Fyllt kalkúnabringa

Við fjölskyldan erum búin að vera endalausu dekri og góðum mat í hverri veislunni á fætur annarri núna yfir jólin og ég hef ekki eldað kvöldmat hérna heima fyrir okkur þrjú sennilega í tíu daga. Fyrir jólin keypti ég kalkúnabringu sem ég ætlaði alltaf að hafa einhvert kvöldið en vegna veislna og huggulegheita komst það ekki inn í prógramið. Þetta var frekar lítil bringa, rétt tæpt kíló svo þrátt fyrir að við værum bara þrjú í kvöld ákvað ég að nú yrði ég að elda hana eða frysta/henda henni. Bringan hefði þó vel dugað fyrir 4-6 þannig að við eigum ansi vænan afgang. Svo að, til að gera langa sögu stutta.. útkoman varð eiginlega mini-áramóta veisla hjá okkur þremur.

Ég var lengi að velta fyrir mér hvernig fyllingu væri best að setja í bringuna og eftir að hafa skoðað nokkrar uppskriftir endaði ég á þessari. Uppistaðan er aðallega grænmeti, smá beikon og svo brauðraspur/mylsna. Fyllingin heppnaðist svo vel að það var ekki mikið talað við matarborðið heldur meira svona ummað og smjattað og var sá 4 ára engin undantekning þar.  Það er alveg upplagt að elda svona kalkúnabringu í hátíðar eða áramótamatinn og sennilega mun einfaldara en að elda heilan kalkún. Mæli eindregið með að þið prófið þetta.

IMG_1118

 Fyllt kalkúnabringa – (fyrir 4-6):

  • Kalkúnabringa, um 1 kg.

Fylling:

  • 5 sneiðar beikon
  • 1 bakki sveppir
  • 3 meðalstórir skallottulaukar
  • 2 stönglar sellerí
  • 1 epli
  • 2 tsk Best á kalkúninn kryddblanda
  • 1 askja Philadelphia light rjómaostur
  • 3 msk gráðostur
  • 2 msk fljótandi kalkúnakraftur og 2 dl vatn.
  • 1,5 bolli brauðmylsna
  • 50 gr. smjör
  • 1 msk þurrkuð steinselja (eða fersk)
  • Safi úr einni sítrónu

Aðferð:

Ofn er hitaður í 160 gráður með blæstri. Panna hituð og smjörið brætt. Beikon, sveppir, laukur, epli og sellerí er allt skorið í frekar grófa teninga og steikt upp úr smjörinu ásamt 2 tsk af kalkúnakryddinu, smá salti og pipar.

IMG_1089Því næst er vatninu, kraftinum, gráðostinum og rjómaostinum bætt út á og brætt saman við. Brauðmylsnan er sett síðust. Allt hrært vel saman og svo sett í matvinnsluvél ásamt steinseljunni og sítrónusafanum og unnið létt saman, þó þannig að það séu smá bitar í fyllingunni.

IMG_1092Mér þykir þessi létti rjómaostur mjög góður og betri en sá hefðbundni það má þó alveg nota íslenskan rjómaost eða hefbundinn Philadelphia.

IMG_1091Því næst er vatninu, kraftinum, gráðostinum og rjómaostinum bætt út á og brætt saman við. Brauðmylsnan er sett síðust. Allt hrært vel saman og svo sett í matvinnsluvél ásamt steinseljunni og sítrónusafanum og unnið létt saman, þó þannig að það séu smá bitar í fyllingunni. Á myndinni hér fyrir ofan er brauðmylsnan sem ég notaði, þetta er bara venjuleg mylsna, nema að það eru einhver krydd líka í henni líka. Ég fékk þennan poka í Kosti.

Þegar fyllingin er tilbúin er kalkúnbringan þerruð og skorin þannig að hægt sé að fylla hana. Mér finnst best að leggja hana á fituhliðina og skera í hana eins og ég sé að opna bók..? Allavega þarf það að vera þannig að hægt sé að setja fyllinguna á hana og rúlla henni svo upp.IMG_1094

IMG_1095Ég stráði smá kalkúnakryddi á bringuna og setti svo um það bil 1/3 af fyllingunni á hana.

IMG_1097Gott að skilja eftir smá brún við endan svo að fyllingin haldist inni í rúllun

IMG_1100Svo er bringunni bara rúllað upp, ekki láta útlitið á fyllingunni blekkja ykkur krakkar, fyllingar hafa aldrei myndast vel. Ég lofa að hún bragðast jafn vel og hún myndast illa 😉

IMG_1101 IMG_1102Þegar bringunni hefur verið tjaslað saman batt ég hana saman með svona bómullarbandi.

IMG_1106Setti hana svo í eldfast mót, bar smá ólífuolíu á hana, salt og pipar og inn í ofn í þar til hún var komin í 72 gráður. Galdurinn er að elda hana alls ekki of lengi svo það er um að gera að taka hana út eftir um 50 mínútur og mæla hitann. Bringan var í 65 mínútur að eldast hjá mér. Ég hækkaði hitann í 180 gráður síðustu 10 mínúturnar til að fá góðan lit. Afganginn af fyllingunni setti ég í formið hjá kalkúnabringunni og eldaði með, tók bara enga mynd af því..

IMG_1115Leyfið kjötinu að hvíla sig í svona 10 mínútur við stofuhita áður en þið skerið það.

IMG_1118 IMG_1120 IMG_1123

Ég bar þetta fram með pönnusteiktun kartöflu- og sellerírótarteningum, einföldu kirsuberjatómatasalati, fyllingunni, sósu og fínasta rauðvínsglasi. Þetta var ljúffengt, kjötið mjög safaríkt en fyllingin samt aðalstjarnan !

Auglýsingar

4 athugasemdir við “Fyllt kalkúnabringa

  1. Bakvísun: Nokkrar páskahugmyndir | Eldhúsperlur

    • Ég hef gert fyllinguna og sleppt bæði rjómaosti og gráðosti. Ekkert mál og kom bara vel út. Þú getur líka notað t.d gullost, brie eða camembert í stað gráðostsins. Um að gera að prófa 🙂

      Kær kveðja, Helena

      Líkar við

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s