Heimatilbúinn Ricotta ostur

IMG_1947Ostagerð hefur undanfarið heillað mig dálítið. Að geta búið til jafn dásamlega afurð og ost heima hjá sér er töfrandi iðja að mínu mati. Ég lofa því að þetta er einfaldara en þið getið ímyndað ykkur og útkoman er betri en nokkur ricottaostur sem þið getið keypt út í búð því ferskara gerist það varla. Hráefnin eru fá og einföld, mjólk, rjómi, salt og hvítvínsedik. Ég myndi halda að þetta væri einfaldasti ostur sem hægt er að gera heima hjá sér og það þarf engin sérstök hráefni eða útbúnað sem getur verið erfitt að nálgast. Ég er líka viss um að það er mun ódýrara að útbúa ferskan ricotta ost heima hjá sér heldur en að kaupa rándýran innfluttan ricotta ost úr búð, ef hann fæst þá í matvöruverslunum? Ég hef allavega ekki séð ricotta nýlega.IMG_1945Þegar osturinn hefur verið gerður má gera ýmislegt við hann. Til dæmis væri hægt að skera niður ferskar kryddjurtir, graslauk, chilli, dill eða hvítlauk og hræra saman við hann ásamt smá salti og pipar og þá er maður kominn með þennan fína kryddaða ricotta sem hægt er smyrja ofan á kex eða brauð, nota sem ídýfu og svo framvegis. Ricotta er nokkurskonar rjómaostur, upphaflega ítalskur og gjarnan búinn til í geitamjólk, kúamjólk eða jafnvel buffalamjólk. Ég myndi staðsetja hann mitt á milli rjómaosts og kotasælu. Hann er þó mun fituríkari en kotasæla. Ég gef hér uppskrift að grunnostinum, án allra bragðefna. Í kvöld ætla ég svo að nota hann til að fylla grillaðar kúrbítsrúllur sem ég baka í ofni. Meira um það síðar.

IMG_1929Það sem þarf í ostinn (Af þessu verða um 5 dl af osti):

  • 1 l nýmjólk
  • 5 dl rjómi
  • 1 tsk salt
  • 3 msk hvítvínsedik

Áhöld:IMG_1927

  • Pottur úr ryðfríu stáli eða húðaður að innan eins og t.d le creuset. (Ekki álpottur)
  • Stór skál
  • Minni skál
  • Sigti
  • Nýr bleyjuklútur eða grisjuklútur (fæst í öllum matvöruverslunum)

Aðferð:

Setjið sigtið yfir stóra skál. IMG_1918Vindið klútinn upp úr köldu vatni og leggið hann í sigtið þannig að hann þekji það alveg. Ef klúturinn er mjög gisinn er gott að hafa hann tvöfaldan. IMG_1922Setjið mjólk, rjóma og salt í pott og hleypið suðunni upp yfir meðalhita. Hrærið öðru hverju. IMG_1931Þegar suðan er komin upp slökkvið þá undir og hrærið edikinu saman við. Látið standa í eina mínútu. Þá skilur mjólkurblandan sig og verður kekkjótt. IMG_1934Hellið blöndunni í sigtið og látið standa í um 30 mínútur þannig að leki af ostablöndunni. IMG_1936IMG_1940Takið þá úr sigtinu og færi í skál. Notið strax eða setjið plastfilmu yfir skálina og geymið í ísskáp, geymist í 4-5 daga.IMG_1943 IMG_1948

Auglýsingar

8 athugasemdir við “Heimatilbúinn Ricotta ostur

  1. Þetta lítur út fyrir að vera svo einfalt að ég skammast mín nánast fyrir að hafa ekki prófað þetta! Ég hef einmitt ekki tímt að kaupa rándýra innflutta ostinn þá sjaldan að hann er til en nú hef ég enga afsökun fyrir að gera hann ekki sjálf 🙂

    Líkar við

  2. Bakvísun: Kúrbíts Canneloni með ricottafyllingu | Eldhúsperlur

    • Sæl Brynhildur. Ástæðan er sú að þeir innihalda málma sem geta leyst upp undir ákveðnum kringumstæðum, sérstaklega þegar einhverskonar sýra er sett í þá, t.d. edik eða sítrónusafi. Þá getur komið vont bragð í matinn og sennilega ekki mjög heilsusamlegt heldur 😉 Álpottar eru nú frekar lítið notaðir nú til dags (held ég allavega) og lang flestir nýir/nýlegir pottar eru úr stáli.

      Kv. Helena

      Líkar við

  3. Sæl þessi uppskrift er nokkuð sem ég hef verið að bíða eftir að fá.Hlakka til að prófa. Takk fyrir þetta
    Kveðja Sigurbjörg

    Líkar við

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s