Grilluð bruschetta caprese og eggja-beikon bollar

min_IMG_3576Ég útbjó þennan ljúfa og einfalda bröns handa okkur fjölskyldunni á dögunum. Nú eru síðustu sumarfrísdagarnir að líða og við notum hvert tækifæri til að hafa það huggulegt og gera okkur dagamun áður en rútínan fer á fullt aftur. Mér finnst um bröns eða “dögurð“ (kann einhvernhveginn ekki við það orð) eins og svo margt annað, að einfalt er oftast best. Ef ég býð upp á bröns hlaðborð kýs ég allavega að bjóða upp á frekar fáar tegundir en vel eitthvað sem ég veit að er gómsætt og fellur í góðan jarðveg. min_IMG_3559Þar sem við vorum nú bara þrjú að borða í þetta skiptið lét ég þessar tvær tegundir duga og var með vínber og góðan appelsínusafa með. Ef ég fæ til mín gesti í bröns þá finnst mér gott að bæta til dæmis við nýbökuðum skonsum eins og þessum hér eða þessum og bera fram með þeim osta, álegg og lemoncurd. Ef þið eigið gasgrill þá mæli ég alveg eindregið með því að þið grillið brauðið fyrir bruschetturnar á því. Það kemur alveg ótrúlega gott grillbragð sem gerir alveg gæfumuninn, svo tekur bara 1-2 mínútur að grilla sneiðarnar á vel heitu grillinu. Það er bara hressandi að kveikja á grillinu svona í morgunsárið!

Grilluð bruschetta með tómötum og mozarella:

  • 1 snittubrauð
  • 1 kúla mozarella ostur
  • 2-3 eldrauðir tómatar
  • Nokkur blöð af ferskum basil
  • Góð ólífuolía
  • 1 msk nýkreistur sítrónusafi
  • Sjávarsalt og nýmalaður pipar

min_IMG_3565Aðferð: Skerið snittubrauðið á ská í passlegar sneiðar. Dreypið smá ólífuolíu yfir sneiðarnar og sáldrið örlitlu sjávarsalti ofan á. Grillið við háan hita í stutta stund þar til brauðið hefur aðeins tekið lit. Raðið sneiðunum á disk. Saxið tómatana í litla teninga ásamt mozarella ostinum. Setjið í skál. Hellið 1-2 msk af ólífuolíu yfir, sítrónusafa, salti og pipar (smakkið ykkur áfram). Skerið basilið smátt og bætið saman við. Hrærið öllu saman og dreifið þessu jafnt yfir allar brauðsneiðarnar. Skreytið e.t.v með smá basil.

min_IMG_3582Eggja- beikon bollar:

  • 6 egg
  • 12 sneiðar gott beikon (ég notaði þykkar beikonsneiðar frá Ali)
  • 6 tsk sýrður rjómi með lauk og graslauk
  • Salt og pipar
  • Góð handfylli Rifinn ostur
  • Saxaður graslaukur

Aðferð: Hitið ofninn í 200 gráður. Raðið beikonsneiðunum á bökunarplötu og bakið í 8-10 mínútur eða þar til beikonið er eldað en ekki alveg orðið stökkt. Náið ykkur í möffinsform og raðið tveimur beikonsneiðum í hvert hólf.min_IMG_3548 Ég sett eina í hring og reif hina svo í tvennt og lagði í botninn. Brjótið eitt egg í hvert hólf og kryddið aðeins með salti og pipar. min_IMG_3550Setjið eina teskeið af sýrðum rjóma í hvert hólf og stráið svo osti yfir.min_IMG_3552 Bakið í 8-12 mínútur. min_IMG_3572Ef þið viljið hafa eggið linsoðið ættu 8 mínútur að duga, lengur ef þið viljið hafa rauðuna harðsoðna. Stráið söxuðum graslauk yfir og berið fram.

 

 

Auglýsingar

11 athugasemdir við “Grilluð bruschetta caprese og eggja-beikon bollar

  1. …fallegt, girnilegt…En afskaplega er ég leið og ósátt yfir orðinu „bröns“..þegar við eigum svona fallegt, íslenskt orð, íslenskan DÖGURÐ …Er þetta undirlægjuháttur okkar að verða alltaf að sletta, ..Fyrst voru það Danir, svo Kaninn..af hverju erum við ekki stoltari af íslenskri tungu en þetta?..Góðar kveðjur og takk fyrir uppskriftirnar : )

    Líkar við

  2. Sæl Filippía og takk fyrir kveðjuna.

    Já satt segirðu með dögurðin, það er sannarlega fallegt íslenkt orð. Ætli þetta sé nú ekki frekar spurning um vana en eitthvað annað, allavega í mínu tilfelli. “Bröns“ orðið er bara komið í vana, en auðvitað er sjálfsagt að notast við góð og gild íslensk orð í stað þess að sletta svona 🙂

    Líkar við

  3. Bakvísun: Bröns? – Bestu uppskriftirnar.. | Eldhúsperlur

  4. Þetta er alveg meiriháttar og LOKSINS er komin rétt uppskrift af þessum yndislegu Bruschettum – nema það gleymdist eitt – og það mikilvægt – en það er hvítlaukurinn!! Takk fyrir þessar girnilegu uppskriftir 🙂 Mér finnst líka gaman að hafa brunch.

    Líkar við

  5. Mér finnst dögurður ekki sérlega gott orð yfir þetta en er sammála því, svolítil hreintrúarmanneskja í íslensku, að bröns er heldur ekki sérlega gott.
    Veit ekki en mér finnst dögurður svolítið tilgerðarlegt. Sumir kalla þetta árbít en það er bara ekki rétt, því árbítur er morgunverður. Mér hefur dottið í hug dagverður (sbr. kvöldverður, morgunverður, hádegisverður), held reyndar að dögurður sé afbökun á því en samt ekki nógu þjált, einhvern veginn.

    Líkar við

    • Já, þetta getur verið vandasamt. Mér þykir einmitt dögurður dálítið tilgerðarlegt og á erfitt með að skrifa það í pistlana mína hér á bloggið. Sérstaklega vegna þess að hér vil ég frekar skrifa óformlegt mál sem líkist helst mínu eigin talmáli. Svo verður orðið “bröns“ kannski einhverntímann samþykkt í íslensku líkt og t.d orðið “blogg“.. 😉

      Líkar við

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s