Bestu vöfflur í heimi

min_IMG_3629Mér finnst yfirleitt erfitt og svona eiginlega ekki hægt að kalla eitthvað best, svo að ég tali nú ekki um best í heimi. Allt fer þetta nú eftir smekk. Hafandi sagt það þá hef ég iðað í skinninu af spenningi yfir því að deila uppskriftinni að þessum vöfflum með ykkur. Gleymið öllum vöfflum sem þið hafið nokkurn tíman smakkað og gleymið sannarlega tilbúnu vöfflumixi úr pakka. Þetta eru bestu vöfflur sem ég hef smakkað og voru aðrir smakkarar algjörlega á sömu skoðun. Þær eru allt í senn léttar, mjúkar, loftkenndar og síðast en ekki síst stökkar að utan. Vöfflulaga englaský myndi einhver jafnvel kalla þær. Þær eru meira að segja ennþá góðar eftir að hafa kólnað og staðið á diski í 2-3 klukkutíma. Hvenær hafa vöfflur verið góðar eftir svoleiðis bið? Ég bara spyr.

min_IMG_3619Það eru nokkur leyndarmál að baki þessum himnesku vöfflum. Til dæmis að í þeim eru þeyttar eggjahvítur sem gera þær svo léttar, ekki mjólk heldur einungis ab mjólk (eða hrein jógúrt eða súrmjólk), maíssterkja auk hveitis og svo eru þær bragðbættar með örlitlum amaretto líkjör sem er sætur möndlulíkjör. Honum mætti þó vel sleppa og nota t.d vanilluextract í staðinn. Ég mæli þó eindregið með amaretto líkjörnum ef þið eigið hann til. Þessar verðið þið að prófa kæru vinir – strax í dag!

min_IMG_3641Bestu vöfflur í heimi (Örlítið breytt uppskrift frá Fifteen Spatulas):

Bollamálið sem ég nota er 2,4 dl:

  • 2 egg, rauða og hvíta aðskilin
  • 2 bollar ab mjólk, súrmjólk eða hrein jógúrt
  • 1/3 bolli bragðlítil matarolía
  • 1 msk amaretto líkjör (eða 2 tsk vanilluextract)
  • 1 1/2 bolli hveiti eða fínmalað spelt
  • 1/2 bolli maíssterkja (cornstarch – fæst t.d í Kosti og Hagkaup)
  • 3 tsk vanillusykur
  • 1 msk lyftiduft
  • 1/2 tsk salt
  • 3 msk sykur

min_IMG_3605Aðferð: Byrjið á að hræra saman eggjarauðum, olíu, ab mjólk og amaretto líkjör. Sigtið hveitið, maíssterkjuna, vanillusykurinn og lyftiduftið út í og blandið saman við. Má vera aðeins kekkjótt, ekki hræra lengi.min_IMG_3607 Þeytið eggjahvíturnar með 3 msk af sykri þar til hvíturnar verða vel stífar (3-5 mínútur með rafmagnsþeytara).min_IMG_3606 Hrærið eggjahvítunum varlega saman við deigið með stórri skeið eða sleikju, gætið þess að slá ekki loftið úr eggjahvítunum. min_IMG_3610Hitið vöfflujárn og bakið vöfflurnar. Þær lyfta sér mjög vel svo passið að setja ekki of mikið deig í vöfflujárnið (ég setti t.d of mikið á þessum myndum – ekki gera eins og ég). min_IMG_3618min_IMG_3616Ef þið berið þær ekki strax fram leyfið þeim þá að kólna á grind svo ekki myndist raki undir þeim. Afgangs vöfflur er upplagt að frysta og skella í brauðristina þegar á að nota þær. Berið vöfflurnar fram með öllu því sem hugurinn girnist. Mér þykir best að hafa með þeim heimalagaða aðalbláberjasultu og þeyttan rjóma. Einfalt og dásamlegt.min_IMG_3647

Auglýsingar

8 athugasemdir við “Bestu vöfflur í heimi

  1. Takk fyrir endalaust spennandi uppskriftir:0) Langar svo að forvitnast hjá þér hvort ég gæti notað eitthvað annað í staðin fyrir maíssterkju þar sem ég bý úti á landi og engin Kostur eða Hagkaup í nágrenninu;0)?

    Líkar við

    • Sæl Anna og takk fyrir kveðjuna !

      Ég hef heyrt um að fólk noti kartöflumjöl í stað maíssterkju með góðum árangri. Ég hef ekki prófað það sjálf en skilst að það virki bara ágætlega, þú notar þá bara sama magn og gefið er upp af maíssterkjunni 🙂 Gangi þér vel.

      Kær kveðja, Helena

      Líkar við

  2. Bakvísun: Bröns? – Bestu uppskriftirnar.. | Eldhúsperlur

  3. þessa uppskrift verð ég að prófa. En ég bý langt í burtu frá Kosti og Hagkaup. Er hægt að nota eitthvað annað í staðinn fyrir maíssterkju.

    Líkar við

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s