Eldhúsperlur logo

Baka úr bláberjum

Dásamlegir bláberjabitar

by 5 Comments

min_IMG_6100

Þessir bláberjabitar eru jafn einfaldir og þeir eru ljúffengir. Ég hef ef til vill sett óþarflega margar bláberja uppskriftir hingað inn en það er nú bara vegna þess að ég nota bláber mikið. Á enn aðalbláberin góðu síðan í fyrra haust og var svo heppin að fá meira að segja smá áfyllingu á þau á dögunum. Þvílíkur lúxus að hafa aðgang að þessu frábæra hráefni. Sannfærðist endanlega um lúxusinn sem ég bý við þegar ég rakst á litla dós, varla meira en bolla, af ferskum íslenskum aðalbáberjum á 800 krónur í matvörubúð í gær..! Ég hvet ykkur til að kíkja á berjamó á næstunni og næla ykkur í nokkrar góðar lúkur af þessu góðgæti. Það er svo ótrúlega upplífgandi að draga íslensk ber úr frystinum að vetri til og nota í sjeika, bökur eða hvað sem er.

min_IMG_6096Bláberja bitar – lítillega breytt uppskrift frá Smitten Kitchen (1 bolli: 2,5 dl)

  • 3 bollar hveiti eða fínmalað spelt
  • 1 bolli sykur
  • 1 tsk lyftiduft
  • 225 gr kalt smjör skorið í bita
  • 1 egg
  • 1/4 tsk salt
  • Fínrifinn börkur og safinni úr einni sítrónu
  • 4 bollar bláber (ég notaði frosin)
  • 1/4 bolli sykur (meira ef berin eru mjög súr)
  • 3 tsk maíssterkja eða kartöflumjöl

Hitið ofn í 160 gráður með blæstri annars 180. Smyrjið form. Skúffukökuform passar t.d. vel fyrir þessa uppskrift.

Hrærið saman 1 bolla af sykri, 3 bollum af hveiti, lyftidufti, salti og sítrónuberki. Blandið köldu smjörinu og egginu saman við þar til blandan líkist blautum sandi. Hellið helmingnum af deiginu í formið og þrýstið niður með fingrunum.min_IMG_6080

Blandið þá saman berjunum,sykrinum, sterkjunni og sítrónusafanum. Hellið berjablöndunni yfir botninn.min_IMG_6084 Myljið restina af deiginu yfir berin. Bakið í  um 40-45 mínútur eða þar til bakað í gegn og gullinbrúnt (tók aðeins lengri tíma eða um 50 mínútur hjá mér þar sem ég notaði frosin bláber). min_IMG_6086Kælið alveg og skerið svo í litla bita.min_IMG_6089min_IMG_6094

Sumarleg berjabaka

by 3 Comments

min_IMG_5518Ég á ennþá aðalbláber í frystinum síðan í haust, dásamlegur fylgifiskur þess að vera gift inn í eina mestu bláberjafjölskyldu Íslands þar sem fólk týnir ber af fagmennsku og kann svo vel að meta þessa ljúffengu og hollu ókeypis afurð sem náttúran gefur okkur. Ég viðurkenni það þó fúslega að berjatýnsla hefur hingað til ekki verið mín sterkasta hlið, gengur aðeins of hægt fyrir minn smekk. Þetta er samt að lagast aðeins með árunum, ég gat alveg týnt svona tvo lítra í fyrra, alveg sjálf. Ég er voða sparsöm á þessi ber og líður eins og ég liggi á gulli, tými þeim alls ekki í hvað sem er, sem er sennilega vitleysa. En jæja bláberin (aðal) voru sumsé í frystinum og ég ákvað að reyna að vera svolítið húsmóðurleg í mér og baka eitthvað með 1. maí kaffinu og mikið var yndislegt að gæða sér á nýbakaðri berjabökunni í sólinni á pallinum. Það er alveg hægt að borða hana svona eins og hún kemur fyrir en þeyttur rjómi eða vanilluís gerir auðvitað gott enn betra. Mér finnst mjög gott að nota pálmasykur í bakstur, hann gefur gott karamellubragð, er dálítið dökkur og fer aðeins betur með blóðsykurinn en hvítur sykur. Ég fæ pálmasykurinn í Bónus hjá Sollu vörunum, ef þið viljið ekki nota hann er vel hægt að nota venjulegan sykur eða hrásykur, í sama magni.

min_IMG_5504Sumarleg berjabaka (bollamálið mitt er 2.5 dl):

  • 4 bollar frosin bláber
  • 2 bollar jarðarber, skorin í fjóra hluta
  • 2 msk maíssterkja eða kartöflumjöl
  • 4 msk pálmasykur
  • 1 tsk vanilluextract
  • Í deigið ofan á:
  • 3 egg
  • 2 dl pálmasykur
  • 1 tsk vanilluextract
  • 120 gr smjör, brætt
  • 3 msk sýrður rjómi
  • 1 bolli fínmalað spelt eða hveiti
  • 1/4 tsk salt
  • 1/2 tsk lyftiduft
  • 1 msk kanilsykur

min_IMG_5465Aðferð: Hitið ofn í 160 gráður með blæstri, annars 180 gráður. Smyrjið eldfast mót eða pæform. Blandið bláberjunum, jarðarberjunum, maíssterkjunni, pálmasykrinum og vanillu saman í skál þannig að sterkjan og sykurinn þekji berin vel. min_IMG_5468Helllið blöndunni því næst í formið.min_IMG_5471Bræðið smjörið og leyfið því að kólna aðeins. min_IMG_5474Þeytið egg og sykur þar til ljóst og létt. Bætið vanillu, smjöri, sýrðum rjóma, spelti, lyftidufti og salti saman við og blandið vel saman. min_IMG_5479Hellið deiginu yfir berin og dreifið aðeins úr því. min_IMG_5481Stráið einni matskeið af kanilsykri yfir að lokum og bakið í 40-45 mínútur. (Ef berin sem þið notið eru ekki frosin er nóg að baka í um 30-35 mínútur).min_IMG_5484Berið bökuna fram heita eða volga, gjarnan með vanilluís eða rjóma.min_IMG_5502