Dásamlegir bláberjabitar

min_IMG_6100

Þessir bláberjabitar eru jafn einfaldir og þeir eru ljúffengir. Ég hef ef til vill sett óþarflega margar bláberja uppskriftir hingað inn en það er nú bara vegna þess að ég nota bláber mikið. Á enn aðalbláberin góðu síðan í fyrra haust og var svo heppin að fá meira að segja smá áfyllingu á þau á dögunum. Þvílíkur lúxus að hafa aðgang að þessu frábæra hráefni. Sannfærðist endanlega um lúxusinn sem ég bý við þegar ég rakst á litla dós, varla meira en bolla, af ferskum íslenskum aðalbáberjum á 800 krónur í matvörubúð í gær..! Ég hvet ykkur til að kíkja á berjamó á næstunni og næla ykkur í nokkrar góðar lúkur af þessu góðgæti. Það er svo ótrúlega upplífgandi að draga íslensk ber úr frystinum að vetri til og nota í sjeika, bökur eða hvað sem er.

min_IMG_6096Bláberja bitar – lítillega breytt uppskrift frá Smitten Kitchen (1 bolli: 2,5 dl)

  • 3 bollar hveiti eða fínmalað spelt
  • 1 bolli sykur
  • 1 tsk lyftiduft
  • 225 gr kalt smjör skorið í bita
  • 1 egg
  • 1/4 tsk salt
  • Fínrifinn börkur og safinni úr einni sítrónu
  • 4 bollar bláber (ég notaði frosin)
  • 1/4 bolli sykur (meira ef berin eru mjög súr)
  • 3 tsk maíssterkja eða kartöflumjöl

Hitið ofn í 160 gráður með blæstri annars 180. Smyrjið form. Skúffukökuform passar t.d. vel fyrir þessa uppskrift.

Hrærið saman 1 bolla af sykri, 3 bollum af hveiti, lyftidufti, salti og sítrónuberki. Blandið köldu smjörinu og egginu saman við þar til blandan líkist blautum sandi. Hellið helmingnum af deiginu í formið og þrýstið niður með fingrunum.min_IMG_6080

Blandið þá saman berjunum,sykrinum, sterkjunni og sítrónusafanum. Hellið berjablöndunni yfir botninn.min_IMG_6084 Myljið restina af deiginu yfir berin. Bakið í  um 40-45 mínútur eða þar til bakað í gegn og gullinbrúnt (tók aðeins lengri tíma eða um 50 mínútur hjá mér þar sem ég notaði frosin bláber). min_IMG_6086Kælið alveg og skerið svo í litla bita.min_IMG_6089min_IMG_6094

Auglýsingar

5 athugasemdir við “Dásamlegir bláberjabitar

  1. Þetta hljómar vel og verður alveg örugglega prófað bráðlega. En hvaða stærð af skúffukökuformi notarðu og eru þetta amerísk bollamál hjá þér? Takk fyrir frábærar uppskriftir 🙂

    Líkar við

    • Hmm. það fer eftir því hvað þú vilt geyma þær lengi?.. Þær frystast alveg ágætlega svo ef þeim er vel pakkað inn er gott að geyma þær þannig í lengri tíma. Ég gaf nú bara helminginn af mínum og geymdi svo hinn helminginn í lokuðu plastboxi við stofuhita í 3-4 daga minnir mig að það hafi verið. Þoldu það vel 🙂 Gangi þér vel!

      Kær kveðja, Helena

      Líkar við

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s