Salat með klementínum, hráskinku og avocado

IMG_1751Um páskana þegar við vorum með hið dásamlega beef Wellington kom Sunna systir mín með þetta frábæra forrétta salat handa okkur sem við gæddum okkur á áður en nautasteikin var snædd. Ég hef nú loks fengið uppskriftina hjá henni og fæ að birta hana hér, mér til mikillar ánægju. Þetta salat er æði, segi það og skrifa. Það er svo lekkert að bera það fram sem forrétt eða jafnvel sem smárétt á léttu kvöldverðarborði. Þetta sameinar einmitt það sem mér þykir oft koma best út. Frekar fá gæða hráefni valin af alúð og sett saman af mikilli ást fyrir þá sem manni þykir vænt um. Þannig hljómaði uppskriftinni allavega frá Sunnu og ef þetta er haft í huga getur rétturinn ekki klikkað.  Vinagrettan sem hún setti yfir salatið gerði svo algjörlega útslagið. IMG_1758Með þessu góða salati drukkum við alveg frábæran dökkan belgískan bjór sem Sunna kom með og smell passaði hann við bragðið af salatinu eins og flís við rass. Bjórinn heitir Rodenbach Vintage 2010. Ég er nokkuð viss um að bjórinn fáist ekki í ríkinu en ég mæli eindregið með að smakka þessa tegund ef þið komist í tæri við hann og hafið gaman af að smakka öðruvísi bjór. Virkilega góður og eiginlega ekki eins og neinn bjór sem ég hafði áður smakkað. Hér eru t.d upplýsingar um bjórinn. Með salatinu væri þó sennilega líka gott að drekkar ískalt frekar þurrt hvítvín.

IMG_1754Forréttasalat fyrir 4-6:

  • 1/2 poki klettasalat.
  • 1 stórt avocado, skorið í sneiðar
  • 2 klementínur eða 1 appelsína
  • 1 bréf góð hráskinka (ca. 10-12 sneiðar)

Aðferð: Setjið klettasalatið í botninn á grunnu fati eða skál. Flysjið appelsínuna eða klementínurnar og raðið bátunum yfir salatið. Setjið því næst avocado sneiðarnar yfir og að lokum upprúllaðar hráskinkusneiðarnar.

Vinagretta:

  • Safi úr einni sítrónu
  • 6 msk ólífuolía
  • 1 msk balsamic edik
  • 1 msk grófkorna dijon sinnep
  • 1 msk vatn
  • Smá sjávarsalt og nýmalaður pipar

Aðferð: Allt hrisst saman í glasi eða krukku. Hellt yfir salatið rétt áður en það er borið fram.IMG_1748

Auglýsingar

5 athugasemdir við “Salat með klementínum, hráskinku og avocado

  1. Hrikalega gott!! Það voru reyndar ekki til klementínur svo ég notaði rautt grape,- aðeins súrara, en mjög fallegt ;D Ég á alveg pottþétt eftir að nota þetta aftur!!

    Líkar við

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s