Gróft spelt- og hafrabrauð með graskersfræjum

min_IMG_4035Ég var eiginlega búin að gleyma því hversu dásamlega gott það er að baka sitt eigið brauð. Þó mér finnist nú voða gaman að baka svona almennt þá finnst mér brauðbakstur toppa annan bakstur. Það er eitthvað svo róandi við að baka brauð, sérstaklega svona brauð sem er eiginlega engin hætta á að klúðra. Maður getur nokkurn veginn sett saman það sem manni þykir best og það þarf ekki að bíða eftir að það lyfti sér. Svona brauð er að mínu mati alveg jafn gott daginn eftir að það er bakað, ef ekki bara betra og mér þykja graskersfræin algerlega ómissandi. Þeim má þó auðvitað skipta út fyrir önnur fræ. Uppskriftin er ansi stór og passar vel í eitt stórt jólaköku- eða brauðform. Ég mæli með því að vefja brauðinu inn í þurrt viskastykki þegar það hefur verið losað úr forminu og því leyft að kólna þannig í a.m.k 30-60 mínútur eftir bakstur. Þá mýkist skorpan aðeins og mun auðveldara verður að skera það í fallegar sneiðar. min_IMG_4031

Gróft spelt- og hafrabrauð með graskersfræjum:

  • 5 dl gróft spelt
  • 2 dl grófir hafrar
  • 1/2 dl sesamfræ
  • 1 dl graskersfræ
  • 1 tsk sjávarsalt
  • 4 tsk vínsteinslyftiduft
  • 3 dl hrein jógúrt eða ab mjólk
  • 1 msk ólífuolía
  • 2-3 dl heitt vatn

min_IMG_4008Aðferð: Hitið ofn i 160 gráður með blæstri eða 180 gráður án blásturs. Blandið saman öllum þurrefnum. Hrærið saman við olíunni og ab mjólkinni. Bætið vatninu smám saman út í og hrærið aðeins þar til deigið er að mestu komið saman, alls ekki hræra of mikið. Deigið á að vera eins og þykkur grautur og dálítið klístrað. min_IMG_4013Setjið deigið í smurt brauðform og stráið vel af graskersfræjum yfir. Bakið í 45 mínútur. Ef þið gerið litlar bollur úr deiginu, setjið þá um 2 msk af því í einu á bökunarplötu og bakið í um 15-20 mínútur.min_IMG_4020min_IMG_4026

Auglýsingar

3 athugasemdir við “Gróft spelt- og hafrabrauð með graskersfræjum

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s