Döðluterta með jarðarberjarjóma og súkkulaðikremi

min_IMG_4209Haustið er í miklu uppáhaldi hjá mér. Fyrir utan það hvað allt verður fallegt í haustlitunum, loftið svo tært og veðrið einhvernveginn oft svo gott, þá minnir haustið mig á merkilegasta atburðinn í mínu lífi, þegar sonur minn kom í heiminn.. og ég verð alltaf pínulítið meyr en samt svo glöð. Október 2008 er kannski ekki sá tími sem margir tengja við gleði. En það gerum við. Í byrjun október 2008 þegar hálf þjóðin var á barmi taugaáfalls eignuðumst við okkar yndislega sólargeisla. Við vissum varla hvað var að gerast utan veggja spítalans og ekkert í heiminum skipti meira máli en þetta litla yndislega barn sem við fengum í hendurnar. Dagarnir og vikurnar eftir fæðinguna fóru svo í allt annað en að fylgjast með fréttum eða hafa áhyggjur af vöruskorti. Hann hefði ekki getað komið til okkar á betri tíma og hann kenndi okkur líka hvað það er sem skiptir máli í lífinu, svona þegar öllu er á botninn hvolft.

min_IMG_4197Talandi um botna, þá er það einnig óumflýjanlegur og skemmtilegur fylgifiskur þessa árstíma að halda upp á afmæli. Við vorum með agnarlítið og snemmbúið afmælisboð/mat á dögunum þar sem við buðum upp á súpu, brauð og eftirrétti. Ég eldaði þessa gúllassúpu sem er heldur betur að slá í gegn hjá fjölskyldunni. Með henni bar ég fram kotasælubollur og álegg. Í eftirrétt bar ég svo fram eina væna marengsbombu ásamt þessari tertu sem ég ætla að gefa uppskrift af hér. Þetta er svona eiginlega Tert-an í fjölskyldunni með stóru T-i. Ég hef ekki tölu á því hversu oft mamma hefur vippað fram svona tertu. Allavega mjög oft og við hin ýmsustu tækifæri. Hún er alltaf jafn vinsæl og alltaf jafn ótrúlega, óviðjafnanlega góð. Nú, ég bjó til extra stóra þriggja hæða tertu þar sem ég var með marga munna að metta en vildi ekki búa til tvær tertur, það hefði verið of mikið. Ef þið viljið gera þrjá botna úr uppskriftinni margfaldið þið einfaldlega uppskriftina með 1.5 og bakið þrjá botna og þeytið aðeins meiri rjóma. Einfalt.

min_IMG_4192Döðlubotnar:

  • 4 egg
  • 200 gr púðursykur
  • 200 gr döðlur
  • 100 gr saxað súkkulaði eða súkkulaðidropar
  • 125 gr hveiti eða fínmalað spelt

Aðferð: Ofn hitaður í 180 gráður með blæstri. Tvö hringlaga form smurð vel og bökunarpappír settur í botninn. min_IMG_4084Döðlur og súkkulaði smátt saxað og ca. 1 tsk af hveitinu blandað saman við.min_IMG_4096Egg og púðursykur þeytt vel þar til ljóst og létt. min_IMG_4099Hveiti blandað varlega saman við með sleif og því næst döðlunum og súkkulaðinu. Hellt í tvö form og bakað í 15-20 mínútur. min_IMG_4101Kælt aðeins, svo losað úr formunum og svo kælt alveg.

Á milli:

  • 4 dl rjómi
  • 1 stór dós jarðarber

Leggið annan botninn á kökudisk. Opnið jarðarberjadósina og hellið 4-5 msk af safanum jafnt yfir báða botnana. Hellið jarðarberjunum í sigti og stappið þau gróflega með gaffli. Þeytið rjómann og blandið jarðarberjunum svo saman við. Dreifið jarðarberjarjómanum jafnt yfir neðri botninn og leggið hinn botninn yfir.

Ofan á:

  • 150 gr suðusúkkulaði
  • 2 msk smjör
  • 2 msk rjómi
  • 1 msk sýróp

Aðferð: Bræðið allt saman í potti við vægan hita. Kælið aðeins og hellið svo yfir. Dreifið úr kreminu þannig að það leki aðeins niður hliðarnar á tertunni. Geymið tertuna í ísskáp í a.m.k 2-3 klst áður en hún er borin fram. Leyfið henni svo að standa við stofuhita í ca. 30 mínútur áður en hún er skorin.min_IMG_4201

Auglýsingar

17 athugasemdir við “Döðluterta með jarðarberjarjóma og súkkulaðikremi

  1. Sæl
    Uppskriftirnar þínar eru alltaf jafn freistandi og flottar.Ég held líka mikið upp á þessa tertu en hef alltaf notað banana á milli. Ætla að prófa jarðaber næst(hefði annars aldrei dottið það í hug) og þessi gúllassúpa verður pottþétt á boðstólum í næstu viku. Takk-Heiða

    Líkar við

    • Takk fyrir það kæra Heiðrún!

      Já ég hef einmitt oft séð þessa uppskrift með bananarjóma en hef þó aldrei smakkað það sjálf. Gaman hvað hefðirnar eru nú mismunandi. Og já, ég mæli sannarlega með gúllassúpunni.

      Kveðja, Helena

      Líkar við

    • Sæl Ingunn

      Já, tertan á myndinni er samsett úr þremur botnum. Ég bakaði einn botn í viðbót úr hálfri uppskrift og þeytti aðeins meiri rjómi til að setja á milli. Sennilega um 5 dl.

      Kær kveðja, Helena

      Líkar við

  2. Bakvísun: Sætur endir og jólakveðja.. | Eldhúsperlur

  3. Mjög girnileg kaka sem ég mikið að spá í að gera núna í næsta afmæli. Eitt sem mig langar að spyrja þig að; er ekki betra að setja tertuna saman daginn áður eins og svo oft er með tertur, eða verður hún þá of slepjuleg? Finnst mjög þægilegt að setja saman tertu kvöldið fyrir veisluna, því það er einhvernvegin alltaf nóg sem þarf að gera samdægurs:)
    Takk fyrir skemmtilega síðu – er nýbúin að uppgötva hana og á leiðinni að prófa alveg helling af uppskriftum frá þér.

    Líkar við

    • Sæl Harpa og takk fyrir kveðjuna!

      Það er í góðu lagi að setja tertuna saman kvöldið áður og jafnvel bara betra. Ég set hana oftast saman að morgni ef ég ætla að bera hana fram seinnipartinn eða um kvöldið. Mér þykir hún svo ekki síðri daginn eftir..

      Gangi þér vel,

      Kær kveðja, Helena

      Líkar við

    • Hi Bev

      At the moment I do not have any recipes on the blog with english translation. However that could possibly change in the future. But in the meantime I can translate this delicious cake recipe for you 🙂

      Cake with dates and chocolate, strawberry cream and chocolate ganache

      For the cake:

      4 eggs
      200 grams brown sugar
      200 grams chopped dried dates
      100 grams finely chopped semi sweet chocolate
      125 grams flour

      Directions: Heat ove to 180 ºC or 350 ºF. Whisk the eggs with the sugar in an electric mixer until thick and pale, about 3-5 minutes. Whisk the flour, dates and chocolate together and fold in the egg-sugar mixture with a spatula. Transfer to two lined and greased baking tins and bake for 16-18 minutes or until cake is set and a toothpick inserted in the middle comes out clean.
      Take cakes out of oven and let cool completely.

      For the cream layer:

      1 and 2/3 cup heavy cream
      1 and 1/2 cup canned strawberries, drained or finely chopped fresh strawberries

      Whip the cream to soft peaks and fold in the strawberries. Put one of the cakes to a cake platter, spread the strawberry cream evenly over and put the other cake on top of the cream.

      Chocolate ganache:

      150 gram chocolate
      2 tbs butter
      2 tbs heavy cream
      1 tbs syrup (I use golden thick syrup)

      Melt everything together in a small saucepan over very low heat. Let cool to room temperature and poor over cake, let the chocolate drip down the sites.

      I hope you find this helpful and understand my english. I recommend using a converter like this one: http://www.metric-conversions.org/weight/grams-conversion.htm to change grams to cups or ounces if you don´t have a scale with grams.

      With kind regards, Helena

      Líkar við

  4. Góðan dag.
    Í sumar bakaði ég þessa ljúffengu tertu og hafði þá niðursoðnar ferskjur í stað jarðarberja í rjómanum. Ástæðan er sú að það er ekki auðvelt að finna jarðarber í dós þar sem ég bý. Ég á hins vegar fullan frysti af jarðarberjum sem ég tíndi í sumar. Get ég meðhöndlað þau þannig að þau passi í tertuna?
    Með kveðju, Inga.

    Líkar við

    • Sæl Inga

      Það er voða gott að nota fersk eða frosin jarðarber í kökuna. Ég myndi gera svona: Taka berin úr frysti og leyfa þeim alveg að þiðna. (ca. 2 bolla af berjum) Skera þau smátt og strá 1 msk af sykri yfir þau og hræra saman við. Ef það kemur mikill vökvi af þeim eftir að sykurinn hefur samlagast þeim myndi ég sigta vökvann frá og hræra svo berjunum saman við þeytta rjómann.

      Gangi þér vel, verður örugglega ljúffengt!

      Kær kveðja, Helena

      Líkar við

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s