Dúnmjúkar gamaldags tebollur með rúsínum

IMG_8356 (1)Ég get ekki mælt nógu mikið með að þið prófið að baka þessar dásamlegu tebollur. Ég er kannski ekki alveg hlutlaus, enda komin tæpa 6 mánuði á leið með furðulegar langanir í hitt og þetta.. þessar tebollur voru eitt af því og ég ekki í rónni fyrr en baksturinn hafði átt sér stað. Og maður minn, ég varð ekki fyrir vonbrigðum. Uppskriftin er gömul og góð og ég man hreinlega ekki hvaðan hún kemur, hún er handskrifuð á miða innan um helling af öðrum uppskriftum inni í gamalli uppskriftabók hjá mér. En sá sem á heiðurinn af uppskriftinni á heiðurinn alveg skilinn. Ég bætti þó við sítrónudropunum og ég hvet ykkur til að nota þá líka, þeir passa alveg ótrúlega vel við! Uppskriftin er meðalstór, úr henni fengust 22 ágætlega vænar tebollur. Athugið að bollurnar frystast mjög vel og mér finnst alveg upplagt að baka þær fyrir útilegu eða ferðalag. Það jafnast ekkert á við heimabakað nesti utandyra.

IMG_8328Dúnmjúkar gamaldags tebollur með rúsínum (um það bil 22 bollur)

  • 200 gr mjúkt smjör
  • 200 gr sykur
  • 3 egg
  • 1/2 tsk sítrónudropar
  • 1 tsk vanilludropar
  • 450 gr hveiti
  • 1 msk lyftiduft
  • 1/2 tsk salt
  • 1 dl mjólk
  • 200 gr rúsínur (Má líka nota súkkulaði í staðin fyrir rúsínur)

Aðferð: Hitið ofn í 180 gráður með blæstri. Þeytið saman smjör og sykur þar til létt og ljóst, alveg í 3-5 mínútur í hrærivél. Bætið eggjunum út í einu í einu og hrærið vel á milli. Bætið sítrónu, og vanilludropum saman við. Hrærið hveitinu, saltinu og lyftiduftinu saman og bætið að lokum út í ásamt mjólkinni og rúsínum.

Hrærið þar til allt blandast vel saman, en gætið þess að hræra ekki mikið eftir að hveitið er komið út í, bara þannig að allt sé komið saman. Setjið deigið með tveimur matskeiðum eða stórri ísskeið á bökunarpappírsklædda ofnplötu. Hver bolla hjá mér var ca. tvær vel fullar matskeiðar af deigi. Bakið í 8-10 mínútur eða þar til bakaðar í gegn og fallega ljósgullinbrúnar.
IMG_8353 (1)

Auglýsingar

2 athugasemdir við “Dúnmjúkar gamaldags tebollur með rúsínum

  1. Það sem ég hef saknað þín!! Búin að bíða spennt frá síðustu uppskrift. Og finnst mjöööög langt síðan.

    Líkar við

    • Æj takk fyrir! Ég var næstum feimin að setja inn þessa uppskrift það var liðið svo langt frá síðustu 😉 – En það koma núna oftar inn uppskriftir frá mér inn á gottimatinn.is finnur mig þar undir matarblogg 🙂

      Svo fer ég nú að verða duglegri að setja hingað inn!

      Líkar við

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s