Vatnsmelónu gazpacho

min_IMG_6015Sumarið sem ég varð 18 ára fór ég til Malaga á Spáni og var þar í mánuð í spænskuskóla. Þetta var sannarlega einhver skemmtilegasti mánuður ævi minnar og þvílík upplifun fyrir 17 ára unglingsstelpu að fara alein langt í burtu frá öllum og það fyrir tíma Facebook og Skype. Skólinn var dásamlegur í fallegu úthverfi Malaga borgar og þar kynntist ég í fyrsta skipti alvöru andalúsískri paellu og gazpacho.. og flamenco dansi og nautaati og San Miguel en það er önnur saga. Paellan heillaði mig aldrei neitt sérstaklega, þannig lagað, en ég hef allar götur síðan verið afar hrifin af gazpacho, sem er í raun bara köld súpa. Það er fátt eins frískandi í 30 stiga hita en ísköld og bragðmikil gazpaco og merkilegt nokk þá er hún bara alveg ágæt líka í 15 stiga hita á Íslandi. min_IMG_6004Ég hef ekki getað hætt að hugsa um þessa vatnsmelónu gazpacho síðan ég sá hana í uppskriftatímariti um daginn. Svo gerði ég hana um daginn, við borðuðum hana í sólinni á pallinum og nú get ég aftur ekki hætt að hugsa um hana. Hún skoraði fullt hús stiga hjá okkur, svo fersk, létt og bragðgóð, fullkominn forréttur á undan grillmat til dæmis. Þarna sannast líka enn og aftur hið margkveðna, hvað einfalt er oftast langbest, í matargerð sem og öðru. Ég mun gera þessa aftur og aftur.min_IMG_6008

Vatnsmelónu gazpacho fyrir 4 (örlítið breytt uppskrift úr FoodNetwork Magazine):

  • 2 bollar vatnsmelóna, afhýdd og skorin í litla bita
  • 2 eldrauðir vel þroskaðir tómatar
  • 1/4 bolli góð jómfrúar ólífuolía
  • 1/2 agúrka, fræhreinsuð
  • 1/2 grænn eða rauður chillipipar, fræhreinsaður ef þið viljið ekki sterka súpu
  • 2 msk smátt saxaður rauðlaukur (og aðeins meira til að strá yfir)
  • 2 tsk rauðvínsedik
  • Sjávarsalt og nýmalaðurr pipar
  • 4 msk fetaostur í vatni
  • Smávegis af graslauk og steinselju, smátt saxað (líka hægt að nota aðrar ferskar kryddjurtir, t.d dill)

Aðferð: Setjið einn og hálfan bolla af saxaðri vatnsmelónu og tómatana í blandara og þeytið þar vel maukað. Bætið út í ólífuolíu, agúrku, chillipipar, rauðlauk, rauðvínsediki, salti og pipar (ég notaði alveg 1 tsk af grófu Saltverk sjávarsalti). Blandið þessu vel saman þar til silkimjúkt. Smakkið til með salti, pipar og rauðvínsediki. Hellið í könnu eða skál og kælið í a.m.k 30 mínútur. Hellið súpunni í bolla eða litlar skálar. Toppið með restinni af vatnsmelónunni, fetaosti, smátt söxuðum rauðlauk, graslauk, steinselju eða dilli. Berið fram strax, ískalt.

min_IMG_6001

Auglýsingar

2 athugasemdir við “Vatnsmelónu gazpacho

  1. O hvað þetta er girnilegt! Smakkaði svipaða í Lissabon og er búin að reyna að ná bragðinu,
    en í minningunni var hún samt bara úr melónum, og því frekar i sætari kantinum, en aldeilis lygilega góð. Nú verð ég að prófa aftur.

    Líkar við

    • Mæli með að þú prófir. Bragðið kom skemmtilega á óvart og vissulega svolítið sætt en þó ekki of.. Átti smá afgang sem ég gæddi mér á í hádeginu í dag og hún var ekki síðri svona degi seinna.

      Kær kveðja, Helena

      Líkar við

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s